Edit this page | Upload a file | See page history
<<<<<<<

http://malayalamchristiansongslyrics.blogspot.com/2020/01/en-maname-dinam-vazhthuka-nee.html

എൻ മനമേ ദിനം വാഴ്ത്തുക നീ
എൻ മനമേ ദിനം വാഴ്ത്തുക നീ
എന്‍റെ സർവ്വാന്തരംഗവുമേ യഹോവയെ
എൻ മനമേ ദിനം വാഴ്ത്തുക നീ

തന്നുപകാരങ്ങൾ ഓർത്തു നിരന്തരം
നന്ദിയാൽ പ്രിയനെ വാഴ്ത്തി പുകഴ്ത്തിടാം
നിന്നകൃത്യങ്ങൾ മോചിച്ചിടുന്നു
നിന്നുടെ രോഗങ്ങൾ സൗഖ്യമാക്കുന്നു
നിൻ ജീവനവൻ വീണ്ടെടുത്തിടുന്നു

നിന്നുടെ യൗവ്വനം കഴുകൻ പോൽ പുതുക്കി
നന്മയാൽ വായ്ക്കവൻ തൃപ്തിയെ തരുന്നു
പീഢിതർക്കായ് നീതി ന്യായം നടത്തി
തൻ ദയ നമ്മെ അണിയിക്കുന്നോൻ
കൃപയും കരുണയും നിറഞ്ഞവൻ താൻ

നമ്മുടെ പാപങ്ങൾക്കൊത്ത വിധം പരൻ
പകരം നമ്മോടു പ്രവർത്തിക്കുന്നില്ല
വാനം ഭൂമിക്കുമേൽ ഉന്നതം പോലെ
തൻ ദയ ഭക്തർമേൽ ഉന്നതം തന്നെ
നാം വെറും പൊടി അവനോർത്തിടുന്നു

നരനുടെ ആയുസ്സു പുല്ലു പോലാകുന്നു
വയലിലെ പൂവുപോൽ ക്ഷണികമീഭൂമിയിൽ
എങ്കിലോ തൻ ദയ ഭക്തരിലും നീതി
മക്കളുടെ മേലും സുസ്തിരം തന്നെ
തൻ നിയമങ്ങൾ പ്രമാണിപ്പോർക്കും

സ്വർഗ്ഗ സിംഹാസനെ നിത്യമായ് വാഴുന്ന
സ്തുത്യനാം യാഹിനെ വാഴ്ത്തി വണങ്ങിടാം
തൻ വചനത്തിന്‍റെ ശബ്ദം ശ്രവിച്ചു
തൻ ഹിതം ചെയ്യുന്ന ശുശ്രൂഷക്കാരായ്
വാഴ്ത്തുവിൻ യഹോവയിൻ വൻ നാമത്തെ