Edit this page | Upload a file | See page history
എന്‍ പ്രിയ രക്ഷകന്‍ നീതിയിന്‍ സൂര്യനായ്
തേജസ്സില്‍ വെളിപ്പെടുമേ (2)
താമസമെന്നിയെ മേഘത്തില്‍ വരും താന്‍ (2)
കാന്തയാം എന്നെയും ചേര്‍ത്തിടും നിശ്ചയമായ് (2) എന്‍ പ്രിയ...

യെരുശലേമിന്‍ തെരുവിലൂടെ ക്രൂശു മരം ചുമന്നു
കാല്‍വരിയില്‍ നടന്നു പോയവന്‍ (2)
ശോഭിത പട്ടണത്തില്‍ മുത്തുകളാലുള്ള (2)
വീടുകള്‍ തീര്‍ത്തിട്ടു വേഗത്തില്‍ വരുമവന്‍ (2) എന്‍ പ്രിയ...

ആനന്ദപുരത്തിലെ വാസം ഞാന്‍ ഓര്‍ക്കുമ്പോള്‍
ഇഹത്തിലെ കഷ്ടം സാരമോ (2)
പ്രത്യാശ ഗാനങ്ങള്‍ പാടി ഞാന്‍ നിത്യവും (2)
സ്വര്‍ഗീയ സന്തോഷം ഇഹത്തിലുണ്ടിന്നലേക്കാള്‍ (2) എന്‍ പ്രിയ...

നീതി സൂര്യന്‍ വരുമ്പോള്‍ തന്‍ പ്രഭയിന്‍ കാന്തിയാല്‍
എന്‍ ഇരുള്‍ നിറം മാറിടുമന്ന് (2)
രാജ രാജ പ്രതിമയെ ധരിപ്പിച്ചിട്ടെന്നെ തന്‍ (2)
കൂടവേ ഇരുത്തുന്ന രാജാവ്‌ വേഗം വരും (2) എന്‍ പ്രിയ...

സന്താപം തീര്‍ന്നിട്ട് അന്തമില്ലാ യുഗം
കാന്തനുമായ് വാഴുവാന്‍ (2)
ഉള്ളം കൊതിക്കുന്നേ പാദങ്ങള്‍ പൊങ്ങുന്നേ (2)
എന്നിങ്ങു വന്നെന്നെ`ചേര്‍ത്തിടും പ്രേമകാന്തന്‍ (2) എന്‍ പ്രിയ...